SIMILE.
SONETTO
Se ti gavessi un pò de raziocinio
Ti ti me dovaressi ringraziar,
A bon conto cussì ti puol studiar,
4Senza, che t'impedissa el tirocinio.
Ti puol aver sul senso più dominio,
E in seguito la vita anca slongar,
E, come el too ti puol più sparagnar,
8Ti è salvo de no andar in esterminio.
De cosa donca vustu lamentarte?
Ti gaverà, co più no ti và drento,
11Tanto manco peccai da confessarte.
Ti viverà più quieto, e più contento,
Ma dime; dove lassistu da parte
14El ben de no chiappar un scolamento?
