CONTRO LA STESSA.
SONETTO
Cos'è, per aver bù un pò de solazzo,
Per esser stà 'na volta sola in Mona,
Tante scene ti fà gran buzarona,
4E ti gà cuor de far sto sussurazzo.
Mostreme la tariffa sora 'l Cazzo,
Che ti vuol un zecchin, Donna cogiona;
Me par, che, se te dago una pitona,
8Mi te pago, per Dìo, da signorazzo.
Per farte veder, che son cortesan,
Tiò quà sto traro per la to ruffiana,
11Che ghe lo dago per la bona man;
Ma sappi, che 'l mestier della puttana
No xe quel d'aspettar, ch'i porta 'l pan,
14E quel, che dà sti musi, è tutta mana.
