RISPOSTA.
SONETTO
Vegnì pur, sior paron, che mi ve avviso,
Che a cà del Diavol, dove tanti semo,
In materia de Donne tripudiemo
4Meggio de quelli, che xe in Paradiso;
Perchè quà una cogiona, o un brutto viso
Capitar rare volte nù vedemo,
E col capello in man nù spesso stemo,
8Perchè no vien chi gà l'abito sbriso.
In summa nù gavemo el meggio, e 'l bon,
Che sia a sto Mondo, e quà sempre se fotte
11Con el Cazzo infogà, come un tizzon;
Vegnì via, che farè de belle botte,
Perchè, come ghè un fuogo buzaron,
14Sentirè; che più calde xe le Potte.
