LA MANCANZA DEI RUFFIANI È DANNOSA.
SONETTO
In tel profondo Oceano della Potta,
Come mai poderemio navegar?
E come in porto poderemio andar
4Quando no ghe xe più gnessun pilotta?
Come doperaremio la Peotta,
Che no ghè chi la sappia ben menar?
Andemo a rischio, che la possa urtar
8In qualche scogio, e che la resta rotta.
Sentì l'allegoria, che la xe bela.
El ruffian xe 'l Pilotta, e 'l nostro Cazzo
11Xe 'l bastimento, che vorrìa far vela.
Quando, che no ghè più quel ruffianazzo,
Che ve mena da questa, oppur da quela,
14Come più se tioremio sto solazzo?
Bisognerà un ragazzo
Che se tiolemo sù per sto trastulo,
17E che femo una Mona del so Culo.
