PER L'INCENDIO D'UN CONSERVATORIO.
SONETTO
Ai tempi antighi un Grego gà brusà
El tempio famosissimo de Diana,
In ancuò 'na Citella Veneziana
4Un bel conservatorio gà incendià.
El Grego giera un matto buzarà,
La Citella no giera troppo sana,
Tutti do mossi da passion umana,
8Ella d'amor, e lù da vanità.
St'azion in tutti do xe stà bestial;
Ma xe più compatibile la Dona,
11Che l'hà fatta par voggia del Cotal.
Perchè subito dirghe 'na barona!
Bisogna veder prima de dir mal,
14Che fuogo ghe suppiasse in quella Mona.
