SOPRA LO STESSO ARGOMENTO.
SONETTO
S'hà cercà immortalarse chi hà brusà
El tempio famosissimo de Diana,
Mi scuso in lù quella passion umana,
4Ch'un mezzo cussì strambo gà insegnà;
Ma, che 'l conservatorio abbia brusà
In ancuò la Citella Veneziana,
E che scusar se voggia sta inumana,
8Dove mai la rason se troverà?
Gnessuna certo in suo favor ghe val,
Che se la ghe tirava a sta cogiona,
11Giera forse incurabile sto mal?
Sior nò, che la podea sta buzarona
Servirse del remedio universal,
14E i dei ziogar per divertir la Mona.
