RISPOSTA D'UNA RAGAZZA ALLA MADRE.
SONETTO
Gavè rason de dirme, siora Mare,
Che Munega me fazza, avè rason
De depenzerme 'l Mondo poco bon,
4E pien d'insidie, e de miserie amare.
Saveu, ch'in questo vù sè delle rare,
Che dà a so fìe in ancuò de ste lezion;
Ma vù per altro co ste ammonizion
8Munega v'avè fatto col sior Pare.
El munegarse sarìa cosa bona,
Anzi una santa, e salutar condotta,
11Che metterave in salvo la persona;
Ma ve respondo francamente in botta,
Che come 'l Cazzo vù avè tiolto in Mona,
14Cussì anca mì voi tiorlo in la mia Porta.
