PER UNA, CHE SE FÀ MUNEGA.
SONETTO
Mondo fottù, canagia buzarona,
Cazzi v'hò in Culo, e al Diavolo ve dono,
Condanno i me pruriti a eterno sono,
4Che dall'insidie voi salvar la Mona;
Lasse pur, che le Donne me cogiona
Col dir, che'l maggior gusto mi abbandono,
Che zà nell'atto, che me descogiono,
8Me creo sora de mi Donna, e Madona.
El chiavar, e 'l sborar xe nomi vani,
Inutile opinion d'un genio pazzo,
11Maledetta occasion de tutti i dani;
Che se mai volontà d'un tal solazzo
Vegnisse a profanar i sacri arcani,
14Farò, ch'un deo fazza le veci al Cazzo.
