AL MEDESIMO.
SONETTO
Sto Papa fà le gran buzararìe,
L'hà messo la so Patria Veneziana
In contumacia, come una puttana,
4Senza sospetti, e senza zelosìe.
Quando ghè vegnù in testa ste pazzìe,
Perchè ancora no metter la Toscana?
La xe pur fatta anch'ella partegiana
8Della zente, che fà Piraterìe.
O no gà, chi 'l dirrige gran giudizio,
O se'l gà, lori tenta alla zornada
11De far andar sto Papa in precipizio.
Mi ghe darìa una bona cogionada,
Metterìa in contumacia 'l Sant'Uffizio,
14Che quella xe una pesta buzarada.
