AL MEDESIMO.
SONETTO
Podeu dar più superba cogionada,
Papa Clemente, a sto vostro Paese,
Xe passà un anno, o al più ghe manca un mese,
4Nè fatto per lù avè 'na buzarada.
Co un poche de medaggie vadagnada
Avè in do settimane, e lite, e spese,
E 'l Venezian magnanimo, e cortese
8Dona a chi ghe domanda, e no ghe bada;
E pò con un fioretto da nasar
Pretenderessi, caro cortesan,
11Le vostre obbligazion de soddisfar?
Ve credevimo un Papa Venezian,
Ma col vizio baron de cogionar,
14Sè anca vù, come i altri, e sè Roman.
