SULLO STESSO ARGOMENTO.
SONETTO
Cosa me fà da rider quando sento
Dai coppi in zò l'onor restituido
A una Donna fottua da più de cento
4Con una vera in deo proprio mi rido.
In quel punto la prova el cuor contento,
Ma sempre la gà in testa el Dìo Cupido,
Che 'l primo amor in ella no xe spento,
8E a tempo, e liogo torna zà al so fido.
L'è compagna d'un sbirro, che desmette
De far el so mistier per cinger spada;
11Per quanto in gran figura lù se mette
Mai perde l'usma dell'antica strada,
E sempre 'l se ricorda le manette,
14E cussì fà la Donna mal usada.
