Come no? Se ghè ogni tanto
Doppie cerche, e più Casselle,
E chi vuol el perdon santo
48Gà da monzer le scarselle;
Questo vuol, che tanti spassi
Sia reduti tutti in cenere,
E che i Omeni sia sassi
52In tel Ciel de Dea Venere.
Ma che vedo! Zà scomenza
A levar suso la zente,
E de niovo zà se pensa,
56Come star allegramente;
Se prepara una gran cena,
Che deventa un baccanal
Per sentir manco la pena,
60Che sìa morto Carneval.
