SULLO STESSO ARGOMENTO.
SONETTO
Puttane ancuò xe terminà la festa,
Sentì oramai la Predica, che sona;
Adesso i Preti, e i Frati ve abbandona,
4E i torna a metter sù capuzzo, e vesta.
Servili sto pochetto, che ve resta,
Ch'i ve dirà 'na Messa dopo Nona,
E colla man, ch'i v'hà toccà la Mona,
8I ve farà la crose sulla testa.
Che bel vederve, come in zenocchion
In abito da voto a mo desmesse
11Un occhio al Cristo, e l'altro a Fra Berton;
E finzendo ascoltar Ufficj, e Messe,
Fin, ch'elli in fronte ve farà el croson,
14Farghe tirar el Cazzo in le braghesse.
