SULLO STESSO ARGOMENTO.
SONETTO
Come quel Cazzador, che dalla fame
Và per el bosco con el so schioppetto
Cercando poder far un bel colpetto,
4Cussì andava sto Duca per le Dame;
El l'hà trovade dure de pellame,
E per quanto 'l tirasse molto dretto,
Le so balle no fava alcun effetto,
8Come giusto 'l tirasse nel curame.
El voleva chiappar sta bella razza,
Ma se una giera forte, co un Castello;
11Un'altra giera forte, co è 'na Piazza;
Mai l'hà podesto far un colpo bello;
E saveu, come gà fenìo sta Cazza?
14El xe partìo menandose l'Osello.
