AD UNA VECCHIA.
SONETTO
Vecchia rabbiosa, frusta, cariolada,
Rozza, e ludibrio del genere uman,
Scheletro scampà via da sant'Arcan,
4Carogna in vita dal Signor scordada.
Ti par la peste orrida, scarnada,
Depenta alla Salute dal Tizian,
Ti par Mezenzio, Ezzelin da Roman,
8Flagellum Dei, o l'anema dannada.
Varda, che muso, che ti gà da gato,
Che Tette a barolè, a falbalà!
11Che brazzi! Stricche i par de mandolato.
Co de fuora ti gà ste infermità,
De sotto, vecchia arpìa, per Dìo laudato,
14La Mona sulla forca ti averà.
