DIFFERENTE PENSAR TRA PLATON, E L'AUTORE.
SONETTO
Quel gran speculativo de Platon,
Credendo de far cosa molto bona,
Che fusse cara all'Omo, e anca alla Dona,
4Volea delle Mugier la comunion;
E mi sarave ancuò d'altra opinion;
Che gnanca questa no sarìa cogiona;
Che credo piaserave a ogni persona,
8De far del matrimonio proibizion;
Zà da quello, che vedo zorno, e notte,
Dalla gran libertà, dall'allegrìa
11Le Donne maridae tutti le fotte;
Manco mal in sta forma ghe sarìa,
Che le Donne fusse tutte rotte;
14La leze almanco no se romperìa.
