LA PAURA SUPERA LA LUSSURIA.
SONETTO
Giera un dì all'Ostarìa colla mia pippa,
Quando 'na bella Donna per el buso
D'una porta, che giera spenta suso,
4Vedo, che se menava la Felippa.
Questa gaveva 'na gran bella trippa,
Tanto, che mi, per metterghelo suso,
In quell'istante gaveria profuso
8Tutti quanti i tesori del Rè Agrippa.
Sappiè, che no ve conto una Faloppa,
Che a veder quella Donna in sta funzion
11Dal gusto no podeva star in stroppa;
Ma, come fia la giera del paron,
Hà bisognà, che via de là galloppa,
14Perchè gò bù paura del baston.
