Se volè, che mi 'l vero ve confessa,
Mi gò più gusto andar all'Osterìa,
15Che no xe, co xe festa, andar a Messa.
Là se và soli, come in compagnìa,
E se và colla so cara Donnetta
18Sicuri, che gnessun ve para vìa;
Oh! Quella xe una vita benedetta,
Quello xe 'l vero stato de Natura!
21Tutto 'l resto sul Cul, ch'i se lo petta;
Che serve per magnar tanta coltura?
Quà se magna con quella purità,
24Come se fava avanti la scrittura.
Cosa più allegra al Mondo no se dà;
Questa svegia l'idea dei Baccanali,
27Che fava Roma in la so prima età.
