Ste cose in altri lioghi se puol far,
Ma, se nù pesaremo queste, e quelle,
60Vedaremo, che quelle suol calar.
De so Natura tutte le xe belle,
Ma de gusto ghè tanta differenza,
63Quanta ghè dal sturion alle sardelle.
Ah! Quel dar alle maschere licenza,
Quel viver sciolto, e quella libertae,
66Che se gode in sto liogo, de conscienza
Fà, che la robba piasa meggio assae
Tanto, che per no andar all'Ostarìa
69Essere mi no vorrìa so Santitae.
Cosa serve magnar co pulizìa
In bacili d'arzento, e piatti d'oro,
72Quando, che no se magna in allegrìa?
