SIMILE.
SONETTO N.° V.
L'impareggiabil Potta in odio avesse
Qualche antico Filosofo se dise,
Ma questa è la rarissima Fenise,
4Che al Mondo mai ghè stà chi la vedesse.
Chi hà la Potta sprezzà, che no gavesse
Nè Cazzo, nè Cogioni el cuor me dise,
E credo, che de sotto le camise
8De meggio far Natura no savesse.
Anca Giove s'hà fatto in piova d'oro,
E 'l xe vegnudo abbasso dalle sfere
11Per goder della Mona 'l gran tesoro.
Qual rason ne l'hà fatto a nù vedere
A traversar el Mar cangià in un Toro,
14Se nò che della Potta 'l gran podere.
