PER EL PRINCIPIO DELL'ANNO.
SONETTO
L'anno niovo, bisogna confessarse,
Tempo è da dir, peccavi, e me ne pento,
D'avanti a qualche Frate in t'un Convento
4Andar con devozion a inzenocchiarse;
Ch'avemo da morir arrecordarse,
Non investir mai più cinque per cento,
In sporchi Inferni più non andar drento,
8Da Concubine alfin allontanarse.
Far conto, che sia 'l tempo della peste,
Sui confini far metter sù 'l restello,
11E anca andar poco dalle Donne oneste,
L'amigo praticar, come fradello,
E far del ben, santificar le feste,
14E tior in man nome a pissar l'Osello.
