GHE VUOL L'AGIUTO DIVINO PER SALVARSE.
SONETTO
Sò, che chi hà fatto mi senza de mì
No me vuol mi senza de mi salvar;
Cossa donca de mi possio sperar,
4Quando no fazzo ben più de cussì?
Quelo, che fazzo ancuò, fazzo ogni dì,
E fazzo quello, che no devo far,
E, per quanto vorrave in drìo tornar,
8Mi continnuo sto viazo sempre pì;
Se 'l tempo, e la razon forza no gà
De far sì, che mi supera sta giostra,
11Qual'altra forza mai trionferà?
Signor alla mia mente, che se prostra;
Fè veder, che mi sia tutto cambià,
14E che l'è stada tutta guerra vostra.
