DOPO SPECULATO RISOLVE.
SONETTO
Come chi stà per veder qualche festa
Stago al balcon del Mondo dei gran pezzi,
E vedo quei, che xe pieni de bezzi,
4Che per el più i xe poveri de testa.
Vedo pò de chiettini una tempesta,
Che crede tanti, e tanti gran strambezzi,
Che se'l Cazzo ghe tira, e ghe và in pezzi,
8Piuttosto, che menarselo, i lo pesta.
Dago pò l'occhio sora sti Fratoni,
Che magna a spalle nostre, e ne cogiona
11A forza d'indulgenze, e de perdoni.
Co gò visto sta zente buzarona,
Me tiro drento, e serro sù i balconi;
14E saveu dove vago? vago in Mona.
