VANI ATTENTATI DELL'AUTORE.
SONETTO
Una putta hò tentà con arte, e bezzi
Per tirarla d'accordo al mio partìo,
Qualcosa hò fatto, gò toccà el da drìo,
4Che dal gusto m'andava 'l Cazzo in pezzi;
Ma dopo quattro zorni de mattezzi
M'è convegnù sìar, e dar in drìo,
Sul più bello el negozio m'hà fallìo,
8Perchè ghè vegnù in testa i chiettinezzi;
La me xe vegnua vìa colla moral,
E che diversamente i libri parla
11Da quello, che vorrave el mio Cotal;
Intanto no hò podesto più toccarla,
E son restà impiantà, come un Stival,
14Quando, che me credeva de chiavarla.
