RICCORSO A CUPIDO CONTRO LA SO INNAMORADA.
SONETTO
Al Tribunal d'Amor hò fatto un zorno
Chiamar avanti la mia Innamorada,
Perchè custìa con arte buzarada
4La m'hà cavà quanto gaveva intorno.
Da ela no hò podesto aver un corno,
Per quanto, che assae ben l'abbia trattada,
In giudizio per questo l'ho chiamada
8Per riparar ogni mio danno, e scorno.
Su sto tenor hò fatto la mia estesa,
Ma sentì quella gran buzaradona,
11Dove la gà piantà la so defesa;
Che la giera una putta onesta, e bona,
Ma Amor cussì hà deciso ogni contesa:
14Fia deghe 'l Cul, co no volè la Mona.
