CONTRO I LAMENTI DELL'AUTORE.
SONETTO
Se lagna, e se scontorze un certo tal,
E trà lù crìa, e nol ghe arriva a segno;
Parerìa, che sto tal no avesse inzegno
4De lamentarse, o aversene per mal.
Ogni Donna ricerca un bon Cotal,
Ma un Cotal, che sia duro, come legno,
Se tal fusse stà el vostro, mi m'impegno,
8Che chiavà l'avaressi, e da badial.
Leze vù la chiamè barbara, e dura,
E rason no gavè da dir un Acca,
11Quando vù sè mancante in la Natura.
Sto Mondo vù trattè in altra misura;
Lassè sta vostra idea sì storta, e stracca,
14Che bona Mona vuol Cappella dura.
