SENTENZA DE CUPIDO.
SONETTO
Un dì, ch'in trono Amor giera sentà
Per dar udienza a tutti i innamorai,
Anca mi co quei altri desperai
4A far i me lamenti son andà!
Ve digo ben, che co m'hò visto là,
E che a far hò sentìo quel tannanai,
Hò dito; Mi no credo, che i dannai
8Fazza 'l sussuro, che se sente quà.
Tutti diseva mal della so Dona,
Chi la giera una cagna, e chi una matta,
11Mi hò dito, che la xe una buzarona.
Aifin Amor in fazza a ogni persona
Hà pronunzià una leze de sta fatta.
14Pazienza, e bezzi, tutti anderè in Mona.
