Pagina:Raccolta universale delle opere di Giorgio Baffo 3.djvu/169

In stato mai de spender co una Dona,
    No poderà mai questo andar in Mona?
                    33Che leze buzarona!

Vù me dirè, che chi gà sto divieto,
    El se puol divertir in tel Culeto
                    36De qualche ragazzeto,

Ch'anca vù l'avè fatto, e chi nol crede
    Ghe lo dimanda al Cul de Ganimede,
                    39Che lù ghe farà fede;

Respondo, che se tutti da drìo vìa
    S'andasse, presto 'l Mondo fenirìa;
                    42No l'è la causa mìa.

Ma, caro Giove, sia con vostra pase,
    Parlo per quei, che 'l Culo no ghe piase
                    45Questi è quei, che no tase;