Che sto Diavolo, e sto Inferno
Invenzion xe dei poeti,
E sto starghe pò in eterno
16L'è 'na zonta, ch'hà dà i Preti,
Che ste cose i gà inventà
Per i Ladri, e Scavezzoni,
E per quei, che ghe ne sà
20Manco assae dei me cogioni.
Sti libretti Oltramontani
Colla so filosofia
I gà fatto tanti dani
24Ai dì nostri in Sacrestìa;
Questi hà fatto, che gran zente
Metta zoso la livrea,
E ch'i mena allegramente
28Una vita Epicurea.
