SORA I ZIOGADORI DA LOTTO.
SONETTO
Quanti stolidi mai, ch'i s'hà ridotto
A magnar ogni dì sol la polenta,
Patir cento miserie, ch'i tormenta
4Per ziogar ogni zorno i bezzi al lotto!
Eppur i và sul botteghin de trotto
S'una cabala, o un sogno li fomenta,
Superstizion, che dà l'ultima spenta,
8E li manda alla fin presto de sotto.
Oh! Matti buzarai, senza governo,
Quand'aspetteu, che vegna i ponti boni?
11Gnanca, mi credo, se zioghè in eterno;
Solo quando cerchè per i bragoni,
Se ghè più bezzi, incontrerè nel terno,
14Che sarà 'l vostro Cazzo, e do cogioni.
