PER GIUDIZIO CONTRO LA N. D. LUGREZIA CORNER PISANI.
SONETTO
Dell'Areopago i Giudici prudenti,
Tanto de far giustizia giera 'l zelo,
I se metteva sulla fazza un velo
4Per no veder le parti contendenti.
I la saveva longa quei sapienti,
Perchè mossi da qualche muso belo
Ghe podeva vegnir suso l'Oselo,
8E no badar più altro ai argomenti.
Mi compatisso in fatti quel bell'uso;
Ch'un Giudice buttar puol zò de sesto
11Più assae dell'oro el veder un bel muso.
Per Dìo, se ancuò i avesse visto questo,
Non solo ghe sarave vegnù suso
14De darghe le so balle, ma anca 'l resto.
