SORA LE MANGERIE DE CERTI MINISTRI.
SONETTO
Se pensa a riformar solo 'l privato,
Nè del Publico al ben se pensa un'ora;
Quasi che la salute de sto Stato
4Patissa per qualcun, che và in malora.
Mi che son cittadin, sebben privato,
Nè, ch'alcun Magistrato 'l Cul m'onora,
Un recordo mi dar voggio al Senato,
8Quando con un Decreto el l'avvalora.
Alle barche pensè, pensè ai ferali,
Al vestir negro, ai schietti fornimenti
11De far parer le Donne funerali!
Far bisogna al massizzo i fondamenti;
Co dè cariche a certi tali, e quali,
14Serenità feghe cavar i denti;
Ma, per Dìo, steghe attenti
Co le zenzive hà fatto 'l sora osso,
17Ch'anca cussì se magna a più no posso.
