Credendo fussi morto all'improviso,
Perchè no ve trovava in gnessun buso,
Al mio pensier gò messo l'ale suso,
4E son andà a cercarve in Paradiso.
A quella zente, che gà in bocca 'l riso,
Gò domandà, s'i hà visto el vostro muso,
Quanti, che i xe, senza pensarghe suso,
8Che no gieri in quel liogo i gà deciso;
Allora in Purgatorio son disceso,
Nè podendo trovarve gnanca là,
11A Cà del Diavol son andà de peso,
Dove Pluton m'hà dito; guarda quà,
E con la panza in zò el s'hà desteso,
14E allora in tel so Cul mi v'ho trovà.
