CONGRATULAZION CON CORNELIA.
SONETTO
Gnessun puol concepir quant'allegrìa
Me sento bulegar in tei polmoni
A vederme davanti a quel Frugoni,
4Che xe in ancuò l'onor della poesìa.
Beati chi puol star in compagnìa
Con una de sta sorte d'Omenoni,
Che ghe ne sà più assae i so cogioni
8De tanti, che hà studià 'na librarìa.
Felice vù, Cornelia, che gavè
La bella sorte ancuò de star con lù,
11Che Laura col Petrarca me parè;
Ma più giudizio spero gabbiè vù,
Ch'al platonico amor no baderè,
14Amor, ch'ai nostri dì no s'usa più.
