PER LE CONTINNUE PIOVE.
SONETTO
Torna, amigo, el Diluvio universal,
Piova continnua, e l'acqua sempre cresse,
Venezia è deventada un gran Canal,
4Dove i Coccai và a beccolar el pesse.
Sarìa ben, ch'i conzasse in Arsenal
La barca de Noè, perchè i mettesse
Una cubia per sorte d'anemal,
8Acciò, che 'l Mondo no se destruzesse.
Farò broggio anca mi d'esser liogà
Frà tante bestie, che sarà imbarcae,
11Col passaporto d'esser maridà.
Podè, amigo, anca vù sperar assae,
Quando però no i voggia sobbissà
14La razza delle bestie buzarae.
