Pagina:Raccolta universale delle opere di Giorgio Baffo 3.djvu/255

Sta pagina la xe stà trascrita, ma la gà ancora da vegner rileta.

ABBRAZZA LA SOLITUDINE.

CANZONE

Mio Perini, se vedè,
    Che no vegno più al Caffè,
    No credè, che sia malà,
    4O sia fuora de Città.

Come gnente più me piase,
    Stago a casa in santa pase,
    Le botteghe, e la Comedia,
    8E anca l'Opera m'attedia.

Mi no trovo cosa bona
    Quanto, che la mia poltrona;
    Là soddisfo el genio mio,
    12E me par d'esser un Dìo.