CONTRO LA RETIRATEZZA DELL'AUTOR.
SONETTO
Quel Baffo, che stà in campo a San Maurizio
Frà la Chiesa, e 'l famoso Cordelina,
In t'un Palazzo, che col Ciel confina
4Del Sansovin magnifico edifizio;
Quello s'hà retirà lontan dal vizio
Tratto là in t'un canton della cusina,
Ostarìa nol vuol più, nè più sgualdrina,
8Perchè falla danari, e quel servizio.
I ruffiani, e le Donne da partìo
A pianzer i ghe và sotto 'l balcon
11Credendolo tirà in grazia de Dìo.
I lo prega, e sconzura in zenocchion,
Per quei gusti, ch'in Mona l'hà sentìo,
14De tornar, come prima, un buzaron.
