RISPOSTA DELL'AUTOR.
SONETTO
Se no me fussi amigo, sior frascon,
Ve vorrìa sculazzar, come un ragazzo,
Ma no voggio intrigarme co un buffon,
4Che parla da ignorante, e visdecazzo.
In cosa pretendeu d'aver rason,
Che ve descoverzè tanto bravazzo?
Vegnì in disparte pur, missier poltron,
8Che ve bastonerò, come un pagiazzo.
In fin sto Maggio no fè più Sonetti,
Che xe fuora de tempo de raggiar,
11E abbandonè le colere, e i sospetti;
E no stè più i Stendardi a frequentar,
Dove per un traeretto, e do confetti
14Sè solito de farve buzarar.
