Pagina:Raccolta universale delle opere di Giorgio Baffo 3.djvu/266

Sta pagina la xe stà trascrita, ma la gà ancora da vegner rileta.

AD UN AMIGO SULLO STESSO ARGOMENTO.

CANZONE

Saverè, che m'è stà scritto
    Da un poeta un'insolenza,
    Senza che mi gabbia ditto
    4Mai a lù un'impertinenza.

Quel, che stimo, che lù giera
    In tel rolo dei me amici,
    E de quei, che volontiera
    8Ascoltava i me caprici.

Vedo adesso, e me despiase,
    Ch'in quel tempo, che lù fava
    Tanti elogi alla mia frase,
    12Giusto allora el cogionava.