SULLO STESSO ARGOMENTO.
SONETTO
La Concorrenza, amici, xe fenìa,
E come, ch'hò bù 'l primo, ve prometo,
Che con più gusto assae, con più dileto,
4Mi me vago a sentar in Quarantia;
Come a chi hà superà la correntìa
Più grato ghe xe'l Porto, e più quieto,
Cussì a mi me sarà più predileto
8Quel liogo dopo tanta traversìa.
Quando in ben xe passada la tempesta,
Ch'in Cielo no ghè più lampi, ne toni,
11Più del solito al Sol se ghe fà festa.
Perchè i gusti ne sappia assae più boni,
L'umana nostra condizion xe questa,
14Che s'abbia da seccar prima i cogioni.
