SULLO STESSO ARGOMENTO.
SONETTO
D'opinion mi sarave francamente,
Che la materia fusse sempre stada,
E che gnessun l'avesse mai creada,
4Se via de quella no se vede gnente.
Concorrerìa anca mi colla mia mente
All'idea, che no xe fuora de vada,
Che, se la spezie umana è sta formada,
8El so fattor no fusse intelligente.
Con Talete sarìa de sentimento,
Che principio de tutto fusse 'l Mar;
11O con altri, del Fuogo l'elemento;
Mi quando penso al gusto del sborar,
Allora digo: Ah che sto godimento
14Altri, che un Dìo no lo podeva far!
