Nè de perder la robba, ma contento
Lù no xe mai, se nol ghe nesta drento.
78Fin quà mi gò depento
Cosa sìa l'Omo, e come sempre in guera
El sia colle passion quà sulla tera;
81Zonta, che sia la sera
Della so zoventù, lù crede allora
Dal Mar delle passion cavarse fuora;
84Ma più che mai 'l xe allora,
Vedendo, che l'hà perso tutto quanto,
E le passion ghe resta tanto, e tanto;
87Massime quel ch'hà pianto
Per amor delle Donne, e che xe stà
In tel bel sesso tanto innamorà.
90Oh! Questo sì, ch'è quà,
