GNENTE VAL A CHI NO HÀ CAZZO DURO.
SONETTO
Cosa serve avvenenza, e cosa 'l brìo,
Cosa val el bordello, e cosa 'l chiazzo,
Cosa val esser zoveni, se 'l Cazzo
4El gavè sempre mai ingrittolìo?
A più prove, ch'hò fatto, m'hò sentìo
A dirme, che tralassa sto solazzo,
Che la xe da cogion, da visdecazzo,
8Creder d'andar avanti, e andar in drìo.
Esser in letto, e no valer un frulo,
Aver voggia de far, e no aver nervo,
11Mi ve lasso pensar, se l'entra in Culo.
Zà, che no gò più ben, e zà, ch'osservo,
Ch'alle Donne ghe servo de trastulo,
14Resolvo de lassarle, e ghe son servo.
