LA DONNA NO S'HÀ DA FAR FOTTER DA UN SOLO.
SONETTO
Xe falso quel principio, che la Dona
Sia fatta al Mondo per un Omo solo,
E che quella, che a do se butta al colo,
4Se ghe diga una brutta buzarona.
Perchè hala da tegnir stretta la Mona,
Quando 'l senso ghe suppia, come un folo,
De goder qualche Cazzo Romagnolo,
8De Napoli, de Zara, o de Lisbona?
Oltre al farse una leze troppo dura
De star co un sol al Cul sempre taccà,
11La fà anca un'ingiustizia alla Natura;
Che se de Mona un stampo la gà dà,
Che serve d'ogni Cazzo alla figura,
14Tiorghene drento un solo, oh che peccà!
