BELLEZZA D'UNA RAGAZZA.
SONETTO
L'altro dì caminando per l'ingresso
Una ragazza hò visto sul balcon
Cussì bella, e gentil, che corponon
4La compagna no ghe xe in tutto 'l sesso.
L'hò vista, se puol dir, de rebalton,
Ma el viso zà me xe restà sì impresso,
Cosa serve, per Dìo, zà lo confesso,
8Che per ella l'Osello hà dà un tiron.
Do Tette la gavea, che parea late
Descoverte, se sà, che l'uso è tal,
11Assae più grande delle mie culate;
Do occhj, per Dìo, che intima guera,
Una man bianca degna de cotal,
Un viso in summa da buttar a tera
15Qualunque, che ghe giera
