LA CAZZA DEL DIO D'AMOR.
SONETTO
Nel boschetto della Diletta mìa
Ho visto amor in forma d'Oselletto;
Allora hò tiolto suso el mio schioppetto,
4E son andà per trarghe da drìo vìa
Gò tirà un colpo, e lù xe scampà vìa,
E 'l s'hà messo a cantar s'un albaretto,
Che mi no sò, se possa un Anzoletto
8Cantar con più soave melodìa;
Pò dopo l'è saltà de quà, e de là,
Ora sora de un ramo, ora per tera,
11E mi per tutto drìo ghe son andà;
Ma, co l'hà visto, che ghe fazzo guera,
Che tento de chiapparlo, el s'hà cazzà
14Della mia bella Ninfa in l'Oselliera.
