LAMENTO PER LA MORTE DEL CAZZO.
SONETTO
A sto Mondo cos'hoggio più da far,
Quando, che no gò più Cazzo, nè denti?
Co se ghe batte 'l fotter, e 'l magnar,
4Cosa ghe resta ai poveri viventi?
Le altre cose fà tutte da cagar,
Le cariche xe tanti stornimenti,
E se coi bezzi no se puol comprar
8Sti do gran gusti, i bezzi xe tormenti.
Oh! Questi sì, ch'i xe beni reali,
E i altri xe tanti beni d'opinion,
11Che se puol dir piuttosto tanti mali.
I studj porta pena, e suggizion,
E i Omeni xe alfin tanti Coccali
14Co tutte le so gran meditazion.
No ghè altro de bon;
E i gusti, che gà tanti Chiettinoni,
17A ben pensar xe gusti da cogioni.
