SULLO STESSO ARGOMENTO.
SONETTO
Morir voggio anca mi zà, che m'è morto
El povero mio Cazzo all'improviso,
Un fià da lù no posso star diviso,
4Che 'l giera in ti me affanni 'l mio conforto.
In sto Mar della vita el giera 'l Porto;
Che 'l sia andà abbasso, oppur in Paradiso,
D'andar dove, che 'l xe, mi gò deciso,
8A tutto costo no ghe farò torto.
Hò risolto cercarlo in terra, e in Cielo,
In te l'Abbisso, e fin dove sta Pluto,
11Perchè no voggio star senza de quelo.
Come, che senza Cazzo son destruto,
Nè al Mondo trovo più gnente de belo,
14Cussì col Cazzo starò ben per tuto.
