CASO OCCORSO IN TEMPO DEL FUNERAL.
SONETTO
In tempo, ch'i portava a sotterrar,
Come savè, con pompa 'l mio Cazzon,
Che giera zà fenìa l'adorazion,
4E che s'andava tutti a far segnar,
L'hà volesto una femena chiappar,
Per veder quanto pesa quel cogion,
Allora 'l Cazzo xe saltà in senton,
8E l'hà fatto tutti quanti spiritar.
Chi quà, chi là, chi hà tratto vìa 'l cailetto,
Chi l'aste, chi i pennelli, ma la Dona
11Hà sempre tegnù in man quel Cazzo stretto.
Dalla paura pò, che 'l la cogiona,
Che nol torna a morir in sul so letto,
14La se l'hà messo tutto quanto in Mona.
