El Goldoni mi sento assae lodar,
El Chiari vedo sempre criticà,
Bisogna dir, che qualche gran peccà
4El gabbia quà a sto Mondo da purgar;
Perchè naturalmente no puol star,
Che, quando tutti do buzare i fà,
Uno solo sia sempre sculazzà,
8L'altro abbia sempre 'l Cul vìa da portar.
E sì, a dirla trà de nù senz'altri rizzi,
I xe tutti do coghi bravi, e boni,
11Che tutti do fà dei gran bei pastizzi.
Xe differente 'l Chiari dal Goldoni,
Che 'l Chiari ghe fa troppi schiribizzi,
14E l'altro fà vegnir longhi i Cogioni.
